Робототехника белгечләре, пилотсыз авиация системалары операторлары һәм ясалма интеллектны кертү белгечләре әлегә массакүләм һөнәрләргә кермиләр, ләкин аларга сорау тотрыклы үсә. Бу хакта «РИА Новости»га РФ хезмәт һәм социаль яклау министры Антон Котяков хәбәр итте.
Аның сүзләренә караганда, бу юнәлешләр, һичшиксез, перспективалы һәм эш бирүчеләр арасында ихтыяҗ булачак. Сәнәгать төбәкләрендә, дип өстәде министр, санлы программа белән идарә итүче станоклар операторларына һәм җитештерү линияләре операторларына ихтыяҗ зур. Шулай ук сәнәгать корылмалары һәм машиналар операторларына ихтыяҗ үсүен дәвам итә.
